Чеська влада в понедільок схвалила пропозіцію новелы закона о штатнім обчанстві, на основі котрой будуть про здобытя чеського обчанства платити строгішы условії, інформовав сервер Novinky.cz. Пропозіцію новелы теперь посудить Посланецька сеймовня. Новела подля серверу так само має за ціль дати словацькых обчанів на уровень обчанів іншых країн Европской унії. Тоты мали притім од розділіня Чехословакії при вырішованю о обчанстві окрему позіцію. Покля новела перейде, мала бы быти платнов од половины слідуючого року.

(Медвідь, TASR)