Україньска влада заказала вынятковы літы до Росії по недавній навщіві двох опозичных політиків в Москві. Опатріня ініційовав міністер внутра Арсен Аваков, котрый выголосив, же презідентьскый кандідат Юрій Бойко і представитель партії Опозична Платформа – За жывот Віктор Медведчук “выужыли шкару в україньскых законах“ а в марці прямым літом оддыйшли до Російской федерації. Аваков повів, же закон ся небуде односити на потенціоналны літы договорены про меджінародны орґанізації як Орґанізація про безпечність і сполупрацу в Европі, ОСН ці Меджінародній выбор Червеного xреста. Україньскый премьєр Володимир Гройсман выголосив, же „тоты опатріня зостануть діяти до того часу, покы Росія неперестане быти аґресорсков країнов і незмінить ся на цівілізованый штат“, інформує станіця Слободна Европа. (TASR, Pkf)