x

Шефчовіч ся дефінітівно выразить до кінця тыждня

00

Підпредседа Европской комісії Марош Шефчовіч до кінця тыждня дефінітівно выразить ся, ці прийме пропозіцію партії Smer-SD кандідовати на презідента. Приобіцяв то в понедільок новинарям. „Перед пару днями єм дістав пропозіцію партії Smer-SD кандідовати на презідента. Єм одвтогды першыраз на Словакії і дістал єм можливость продіскутовати то з презідійов. Пропозіцію собі ціню і ціню собі і то, же єм дістав часовый простор, жебы єм пропозіцію продумав,“ повів Шефчовіч. Презідія соціалных демократів дала в понедільок узнесіня, же покля Шефчовіч пропозіцію прийме, партія го підпорить. Подля премєра Петра Пеллеґініго є то вже лем на особнім рішіню еврокомісаря і треба му дати час.

(Медвідь, TASR)