x

Циґанікова хоче выняткове засіданя выбору про сітуацію на Крамарах

00

Членка Выбору Народной рады Словацькой републікы про здравотницьтво Яна Циґанікова хоче про сітуацію на неврохірурґії на братіславскых Крамарах ініціовати выняткове засіданя выбору. Оголосила то в понедільок на бріфінґу. Лікарі і здравотны сестры в писмі адресованім депутатам парламенту бісідують о можливім колпасі запричіненім головно недостатком здравотной технікы. Проблем видять і в можливім недостатку робочого персоналу в припаді одкрытя далшого неврохірурґічного центру. „Паціент має мати функчну клініку і зодповідна є за то міністерка здравотницьтва. Кедь маєме клініку, котра фунґує десятьлітя і суть там три операчны салы, і міністерству є рокы звертана увага, же там грозить колапс, і покля од новембра тот колапс реално є і нич ся не вырішыло, і персонал є примушеный заганяти писма депутатам, та є то на задуманя. Міністерка бы собі то мала выбавити з тыма, котры за то несуть зодповідность,“ повіла опозічна депутатка. На сітуацію реаґовав і председа парламентного выбору про здравотницьтво Штефан Зелнік, котрый може засіданя скликати. Про аґнетуру TASR повів, же о проблемі знать. На сітуації му за його словами залежыть і має наплановану стрічу з міністерков здравотницьтва.

(Медвідь, TASR)