Словакія буде сотяти за тым, жебы мала выняток з ембарґа на накупованя російской ропы, покля ся то стане предметом новых санкцій Европской унії односно Росії. Повів то міністер господарьства Словацькой републікы Ріхард Сулік по скінчіню міморядного засіданя Рады Европской унії про енерґетіку в Бруселі. Державный секретарь міністерства Карол Ґалек доповнив, же Словакія не буде тов країнов, котра бы спохыбнила єдность членьскых країн, покля буде договор о заказі платити за російскый ґаз рублями. В проґрамі HARDtalk брітаньской телевізії BBC і премєр Едуард Геґер повів, же в тім моменті Словакія не є приготовлена зречі ся додавок російскых комодіт, но зробить вшытко про тото, жебы стала менше залежна од російского ґазу.

(Медвідь, TASR)