До палестиньской зоны Ґазы привезли вчера коло 20.000 давок російскых вакцін протів новому коронавірусу. Додавка скіпячой латкы Спутнік V забезпечіли Споєны арабскы еміраты, інформувала аґентура AFP. Вакціну привезли до Ґазы через гранічный переход Рафаг, котрый споює дану ізоловану палестиньску енклаву з Еґіптом. Небыли, то значіть, транспортованы через теріторію Ізраїла, котрый протів зоні Ґазы хоснує строгу блокаду. Подля AFP мать додавка російскых вакцін до Ґазы і політичный розмір. Заслугы на їх забезпечіня собі приписує ехіловый палестиньскый політік Мугаммад Даглан, котрый є безпосереднім порадцьом впливного корінного прінца Споєных арабськых еміратів Мугаммада бін Зайіда, фактічно владцю даной богатой арабськой країны. (TASR, Pkf)