На реконштрукцію і модернізацію основной інфраштруктуры ареалу народного выстависка Аґрокомплекс в Нїтрі бы мала влада уволнити єден міліон евр. Выходить то з пропозіції, котров ся буде кабінет занимати на днешнїм выяздовім рокованю в Нїтрі, повязанім і з 50. юбілеём выставы Аґрокомплекс. Аналіза розвитку аґросектора і перспектівы розвитку інштітуції Аґрокоплекс – Народне выстависко обсягує і пропозіцію далшых превентівных кроків враховано розшыріня вывжытя Аґрокомплексу про подїї орґанізованы резортами штатной і верейной справы. Влада ся мать занимати і двоми леґіслатівными пропозіціями з дїлнї Міністерства жывотного окружіня СР.

 (TASR,  Шутіова)