Чіны і політика Гамасу нерепрезентують палестиньскый народ. Подля палестиньской пресаґентуры WAFA то увів палестиньскый презідент Магмуд Аббас у вчерайшім телефонаті з венезуелскым презідентом Ніколасом Мадуром, інформує  аґентура Reuters. Аббас означів Орґанізацію за ослободжіня Палестины за “єдниного леґітімного заступцю палестиньского народа“. Аббас в дебаті с Мадуром тыж повів, же одсуджує забиваня цівілістів на обідвох боках і вызвав на пропущіня цівілістів і арештованых. Ісламістічный рух Гамас од юна 2007 овладать ціле пасмо Ґазы. (TASR, Pkf)