Чеськый презідент Петер Павел і премєр Петер Фіала ся у четверь на реґуларнім робочім обідї згодли на ключовых вопросах загранічной політікы Чеськой републікы, враховано постоя ку сітуації на Близкім выходї. Выходить то з выголошінь презідентьской канцеларнї і влады, інформує TASR. ,,Наша ясна згода в ключовых вопросах загранічной політікы, враховано сполочного приступу ку сітуації на Близкім выходї, є важна не лем з погляду стабіліты, але передовшыткым є то выгода про Чеську републіку,” написав Фіала на соціалній сїтї X. Дебата на Пражскім градї ся одбыла десять днїв по тім, як Павел упозорнив, же ёго приступ ку Ізраелу і політіцї кабінету Беняміна Нетанягуа ся в дакотрых бодох одлишує од постоя чеськой влады.

(TASR, Шутіова)