Презідентка Зузана Чапутова прияла в понедільок пополідне міністра здравотництва Владиміра Ленґварьского. Інфомровав о тім говорця презіденткы Мартін Стріжінєц. Голова державы так зробила по серії стріч з лікарями і здравотниками. З міністром діскутовала о актуалній сітуації в резорті. Подля презіденткы формалне приобіцяня влады о сповніню пожадавок лікарів бы могло успокоїти обидві стороны „конфлікту“. З міністром Ленґварьскым ся згодли, же є треба головно зліпшыти комунікацію на обидвох сторонах.

(Медвідь, TASR)