На Україну ся вернуло уж 2000 дітей, затриманых Російов, ознамив то вчера на сіті X україньскый презідент Володимир Зеленьскый з тым, же Москва затримує далшы тісячі дітей. З навернутя дітей домів подля нього помагать штат, гражданьскы орґанізації і меджінародны партнеры. Україна од зачатку російской інвазії у фебруарі 2022-го року ідентіфіковала веце як 19 500 дітей, котры были подля його слов насилно депортованых до Росії, Білорусії або на теріторії окупованых Російов. Україна тоты уносы означує за ґеноціду, як то дефінує договор OSN. Москва на свою оборону реаґовала, же одсуном дітей хранила їх перед боями. (TASR, Пкф)