Польща приготовлена продавати Україні веце електрикы, покля Словакія перерве свої додавкы. У віторок то повіла польска міністерка жывотного оточіня Павліна Геніґ-Клоска. Реаґовала тым на высловы словацького премєра, котрый повторяно остерігав Україну перед реціпрочныма кроками включно перерваня додавок електрикы, бо Київ не продовжыв контракт о транзіті російского ґазу до Европы. Подля міністеркы Польщу не засягло рішіня Києва не продовжыти контракт, котрого платность скінчіла 31-го децембра. Уточнила, же Варшава має ґаз із Споєных штатів, Норвеґії і властной продукції, російскый ґаз уж не хоснує. Рішіня Києва зато за їй словами не має на польскый рынок жадны ефекты.

(Медвідь, TASR)