Здравотницькы робітници, опатрователі, як і сезонны робітници в польногосподарстві і потравинарстві бы уж немали мати повинність іти до штатной карантены, покы приходжають на Словакію з цілой території Австрії і Чехії. Мусять ся указати неґатівным тестом на захворіня COVID-19, котрый неє старшый як 96 годин. Покы о тім вырішыло конзіліюм одборників. Пресову аґентуру TASR о тім інформував штатный секретарь резорту діпломації Мартін Клус. Додав, же в сітуації дефінітівного вердікту мать управа даных кроків про пендлерів діяти од понеділька 18-го мая. (TASR, Pkf)