В центрі Пряшова при Катедралнім соборі св. Мікулаша прибыв в суботу 2-го децембра деревяный бетлегем. Є твореный фіґурами в жывотній великости. Його автором є 86-рочный  народный різьбарь Юрай Антоняк з Лічартовіец. Пресаґентуру TASR о тім інформувала говоркыня міста Пряшів Терезія Рацова. Як дале Рацова приближыла, же окрім Святой родины з Ісуском в яслічках в нім мож найти і пастырїм, ангелів, Трьох кралїв з дарами, звірята і дальшы. Вєдно іде о 30 штук деревяных вырізаваных скулптур.  В Пряшові ся подля єй слов утримує презентація деревяных бетлегемів уж 19 років. Першый быв выставленый в року 2004. Тогорічный бетлегем мають можность  собі навщівници попозерати до 6-го януаря 2024-го року.  (TASR, Pkf)