В ґаражі в україньскім місті Гостомель было обявено 11 тіл, інформувала днесь аґентура DPA. Подля ньой о тім інформували новинкы Україньска правда з одкликаням ся на бывшого міністра внутра Україны Арсена Авакова. Мерьтвыма суть так повідають цівілісты, котрых вбили російскы вояци, увела DPA з тым, же тоты інформації небыло мож незалежно овірити. Гостомель ся находить недалеко метрополы Київ. Російскы силы обсадили Гостомель зо скоро 17.000 обывательми, де ся находить стратеґічне вызнамне летіско, коротко по зачатю воєньской офензівы з 24-го фебруара. (TASR, Pkf)