Голандьскы експерты вчера выголосили, же країна може з причіны кліматічных змін противостояти іщі векшому звышіню уровні воды в морю, як ся спочатку предпокладало. Варованя выдав Кральовськый голандьскый метеоролоґічный інштітут (KNMI). Справу принесла аґентура AP. KNMI дале увів, же як емісії склениковых плінів ся непонижать, уровень воды в морю поздовж голандьскых берегів бы ся могла до року 2100 звышыти о 1,2 метра. Як ся топіня антарктичных ледів  іщі ускорить, уровень мора бы ся до кінця столітя могла звышыти аж о 2 метры. (TASR, Pkf)