Многы опозичны партії привітали зачаток карного досліджуваня про злочін порушованя повинности при справі чужого маєтку в припаді купліня аутлету Водераду. Зачав го прокуратор одбору заважной кріміналіты Ґенералной прокуратуры СР, інформував вчера ґенералный прокуратор Марош Жілінка. Подля опозічного Проґресівного Словеньска (PS) є то барз добра справа. В припаді суть то значіть доводны підозріня зо спаханя карных актів і з негосподарного накладаня з грошами даньовых поплатників, выголосив підпредседа PS Міхал Трубан. Припомянув, же в тій кавзі здружіня Народный іновачный і технолоґічный центр (NITC) купило скрахованый аутлет Водераду за скоро 17 міліонів евр зо штатного розрахунку. Передтым ся го притім неподарило у публічній дражбі продати ани за 5 міліонів евр. (TASR, Пкф)