Петер Саґан тот рік необгаїть зеленый дрес. З Тур де Франце го по четвертій етапі вылучили. Майстер світа в бої о перемогу на цільовій рівнині заблоковав Марка Кавендіса і локтьом го післав до барєр. Брітскый шпрінтер упав у выше 50 кілометровій скорості. Через нього пали і дальшы два шпрінтері. Саґан прийшов до ціля, як другый  за Арнавдом Демаром. Насамый перед судці присудили майстрові світа 30-секундову пеналізацію і одобрали му 80 пунктів в змагані о зеленый дрес. Надія на його здобутя бы фурт была, хоч обгаїня бы было незвычайно тяжке. Судці іщі довго аналізовалі відео цілой ситуації і приближні дві годины по скінчіню етапы ознамили, же Петра Саґана з перебіганя вышмарили.
(Петро Кімак-Фейко)