Італійска премьєрка Джорджа Мелоніова остро крітизувала демонштрантів, котры в Мілані выкликали непокої в часі, кедь ся в місті зачінали зимны олімпійскы гры. В статі на соціальных сітях означіла в неділю учасників непокоїв за неприятелів Італії. Інформувала о тім аґентура DPA. Мелоніова написала, же протестуючі ся постарали о то, жебы заберы з непокоїв зявили ся в телевізіях по цілім світі. Веце як 3-тісяч людей брало участь на протестнім походу, котрый быв спрямованый к олімпійскому селу в Мілані. Протест быв замеряный і проти притомности членів америцького Іміґрачного і цолного уряду (ICE) на грах. Учасници метали в напрямі к безпечностным частям дымовніці і Молотововы коктайлы. Поліція засягла обушками, водныма діламі, слызотворным ґазом і заперьла шість особ. (TASR, Пкф)