Веце як третина жытелів окресу Меджілаборець підписала за два дні петіцію проти авізованому зрушіню дїтьской амбулантной поготовости в тім окресі. Інформував о тім пріматор Меджілаборець Владіслав Вішньовскый, котрый крітізує план Міністерства здравотницьтва СР. Як повів пріматор Вішньовскый, же і “превадзкователь поготовости ся высловив, же немать ниякы фінанчны, технічны ці персоналны проблемы надале дану службу забезпечовати. Прото є про цілый окрес не зрозуміле і на зачудованя вердікт резорту здравотницьтва. Вірить, же тота петіція буде успішна, бо заховати дїтьску поготовость  значіть заховати приступ к здравю.“ Амбулантны поготовости про дітей і дорослих мають по новім фунґовати уж лем до 20.00 год. Сіть дїтьскых поготовости ся мать тыж зредуковати, і то в трьох етапах. Амбулантна поготовостна служба (APS) в Меджілабірцях мать быти зрушена ку першому юлу 2024-го року. Резорт здравотницьтва рушіня APS окрім іншого арґументує недостатком і перетяжіньом прімарных педіатрів. (TASR, Pkf)