Спішскый театер накупить нове технічне заряджіня за скоро 205.000 евр дякуючі проєкту Модернізація театралной технікы. Зо средств зреконштуують театралне подіум, обновлять світелну техніку ці іншпіціентьску комунікачну сістему. Інформовав о тім Уряд Кошісцького самосправного края (КСК). З Інтеґрованого реґіоналного операчного проґраму здобыв театер ненавратный фінанчный приспівок у вышцї 193.000 евр, звышок представлять сполуфінанцованя. КСК дале ознамив, же ставебны роботы ся зачнуть концом юна а їх реалізація перебігне головно протягом лїтнїх місяцїв, в періодї театралных вакацій. Ставебны роботы бы мали быти закончены до зачатку новой театралной сезоны, цїлкове закончіня проєкту є наплановане на конець рока.

(TASR, Шутіова)