Австрія од днешнього дня апліковала цілоштатный lockdown і од 1-го фебруара буде вымагати повинне очкованя протів COVID-19. Lockdown бы мав тырвати максімалні 20 днів з переоцініньом сітуації по десятьох дньох. Інформували о тім аґентуры APA a DPA. Про вшыткых обывателів Австрії од днешнього дня платить цілоденный заказ выходжіня. Всяґды, де то буде можне, мають люди робити з дому. Lockdown подля аґентуры AFP значіть, же люди неможуть одыйти зо свого дому аж на пару выїмок, як є накуп основных потреб ці шпортованя. Рештаврації будуть заперты і културны акції будуть зрушены. (TASR, Pkf)