x

Презідент Земан собі бігом навщівы Мадярьска пообзерав електрарню в Паксі

00

Чеськый презідент Мілош Земан абсолвовав у четверь завершінём тройднёвой офіціалной навщівы Мадярьска переглядку атомовой електрарнї в югомадярьскім Паксі. Подля чеськой справодайской телевізной станіцї ČT24 ся там стритив з мадярьскым міністром без портфолія Яносом Сулім, котрый є одповідный за планованя, выставбу і спущіня двох новых блоків електрарнї. Презідента спроваджала десятка чеськых подникателїв з области енерґетікы і строярьства. Земан у вівторок выядрив надїю, же бы ся до выставбы двоїць новых блоків в Паксі могли запоїти і чеськы фірмы як субдодавателе. Проєкт мають фінанцовати з 80 процент руськы штатны банкы. Руськый презідент Володимир Путїн на робочій навщіві в Будапешту 2. фебруаря 2017 повів, же з Орбаном жертвовали проєкту выставбы двох новых блоків в ядровій електрарні Паксі міморядну позорність. ,,Тот проєкт у вышцї 12 міліард евр вытворить 10.000 новых робочіх місць. “ підчеркнув втодыль Путїн.

(TASR, Шутіова)