Скоро од половины апріля ся довезло з Поландії до Чехії 16 тон птаховины  зо салмонелозов. За словами чеськой телевізной станіці ČT24 о тім вчера інформував говорця Штатной ветеринарьной справы Петр Ворлічек. Вшытко мясо ся правдеподобно сконзумовало, бо выслідкы тестів достали ветеринарї аж по датумі його спотребы. Справа опубліковала список місць, де было мясо призначене. Вшыткых дванадцить приємців даных пакликів, меджі котрыма была наприклад і обходна компанія Алберт і єден з найвекшых дістрібуторів Бідфуд, мусить одтеперь перед пущіньом дальшых польскых додавок на торг дати перевірити птаховину на салмонелозу. Приказує їм то індівідуалне ветеринарьне опатріня, котре Штатна ветеринарна справа выписала індівідуалні про каждого. (TASR, Пкф)