Про окресы Зволен і Великый Кыртіш выголосила Словацька гідрометеоролоґічна інштітуція (SHÚM) третій ступінь попереджіня перед заливами з топячого ся снігу і доджу. Різіко залив є і в окресах Пріевідза, Злате Моравце, Крупіна, Левіце і Ґелніца, де платить другый ступінь попереджіня. В многых окресах Баньскобыстрицького, Кошыцького і Нітряньского края є выголошеный першый ступінь попереджіня на заливы. SHÚM варує і перед днешнім сильным доджом і сніжіньом, і то найголовніше на середній Словакії. (TASR, Пкф)