Мена лавреатів найвысшого крайского оцініня Ціна Пряшівського самосправного края і Ціна председы Пряшівського самосправного края, і то вєдно за рокы 2020 і 2021, суть знамы. Сланостне выголошіня было в часі ґалавечера в Театрі Йонаша Заборского в Пряшові. Ціну Пряшівського самосправного края (ПСК) за рік 2020 призначіло Заступітельство ПСК академічному сохарьові Штефанові Ковальові, науковцьові Іґорові Кудзейові, лікарьові Маріянові Кріжові. Єдным з лавреатів оцініня Ціна ПСК за рік 2021 є  лікарь Андрей Гаврілла. Ціна му была призначена ін меморіал. Дальшым оціненым быв герец Ян Ґалловіч і протосінкел Пряшівськой архієпархії Любомір Петрік. Председа ПСК Мілан Маєрьскый призначів свою ціну за рік 2020 науковцьові Павлові Чеканові, духовным Пряшівського края, ін меморіал здобыв Ціну председы ПСК  2020 і фізік Юліус Кремпаскі. Пряшівськый жупан призначів оцініня за рік 2021 дітьскій лікарькі Марії Слуґеньовій, шпортовцові Йозефові Штецові, родичам і пестунам Даґмар і Мартінові Муранскым з Канаша при Пряшові. (TASR, Пкф)