x

Стара Любовня хоче обновити внутроблок при Лїтній уліцї

00

Місто Стара Любовня ся інтересує о жрідла з Інтеґрованого реґіоналного операчного проґраму в цїлковій вышцї 695.000 евр на проєкт ревіталізації сідліскового внутроблоку при Лїтній уліцї. Інформовав о тім пріматор Старой Любовни Любош Томко з тым, же цїлковы наклады суть на уровни 730.000 евр. Проєкт рахує з реконштрукціёв пішників, сходів, выставбов пентаґонового, воркавтового і дїтьского гріска, комунітной, овоцной і доджовой загороды ці пристрiшку на комуналный одпад зо зеленов стрїхов. Окрем того ся в локалітї зревіталізує зелень, обновлять ся спевнены плохы а прибуде і простор про позераючіх. Пріматор увів, же цїлём проєкту є і ожывіня меджілюдьскых одношінь. Одгадує, же в лїтї бы мало прийти рїшіня о тім, ці будуть в жадости о приспівок успішны.

(TASR, Шутіова)