Посланці Народной рады (НР) СР у вівторок 25-го новембра вернуть ся до лавок. Чeкать їх посліднє нормалне засіданя в тім році. На проґрамі 43-го засіданя мають веце як 150 пунктів. Засіданя зачне у вівторок о 13.00 годині. Окрім нормалных пропозицій мають на проґрамі і законы, котры ветовав презідент Петер Пеллеґріні, наприклад новелу закона о газарді. Перед посланцями мать у четверь 27-го новембра выступити і председа Уставного суду (УС) Іван Фіачан. Выходить то з проґраму опублікованого на сайті НР СР. (TASR, Пкф)