На рівні охраны ознамователів противсполоченьской діятельности ся подля премєра Роберта Фіца ніч не мінить. Выголосив то у відеу на соціалній сіти. Реаґовав так на пропозицію закона, котрый в суботу схвалила влада. Вытворити ся ним мать новый централный Уряд на охрану жертв карных актів і ознамователів протисполоченьской діятельности. „Лем пропонуєме змінити штруктуру уряду і придати му далшы компетенції в области охраны жертв карных актів,” сконштатовав Фіцо з тым, же суботнє їднаня владного кабінету было про тото, бо потребують до парламенту у вівторок 25-го новембра достати іщі даякы пропозіції законів. „Я ту в понедільок (24. 11.) не буду фізічно притомный,” ознамив премєр. Як уточнив, „на оточку” одлетать до Анґолы на саміт Европска унія – Афріка. У вівторок уж буде назад в Братіславі. (TASR, Пкф)