Чорна Гора робить великы покрокы в европскій інтеґрації, Словеньско єй цїль стати ся членьсков державов Унії до року 2028 повно підпорує. СР зорґанізує засїданя ґрупы Приятелїв западнёго Балкану в першій половинї будучого рока. На пресовій конференції по рокованю з чорногорьскым підпредседом влады про загранічны а европскы залежности Філіпом Івановічом то выголосив міністер загранічных дїл СР Юрай Бланарь (Smer-SD). ,,Можу інформовати, же словацька сполочность і на основі проскуму, котрый зробив Евробарометер, підпорує членство Чорной Горы. Веце як 65 процент жытелїв підпорує членство Чорной Горы, што є ясным сіґналом, же політіка, котру сьме зволили про западный Балкан, а в тім припадї і про Чорну Гору, є барз позітівно внимана,” думать сі міністер. Бланарь познаменав, же державы мають добры політічны одношіня, што попробують перетавити і до далшой економічной кооперації.

(TASR, Шутіова)