Безпрофітова орґанізація Путь вон ся достала меджі десятку лавреатів меджінародной цїны Global Pluralism Award 2025. З веце як 300 номінованых орґанізацій з цїлого світа ся стала єднов з тых, котры одборна порота выбрала як приклад вынятковой роботы в области інклузії, рівности і соціалной справодливости. TASR о тім інформовала коордінаторка комунікації обчаньского здружіня Путь вон Зузана Павлінова. Словацька орґанізація ся меджі лавреатів достала по першыраз. ,,Сьме вдячны за тото узнаня, котре нам уможнило указати у світї проґрам Омама і далшы нашы проґрамы. Могли сьме упозорнити на тяжкый жывот многых Ромів і Ромок, котрый є часто перегляданый, але і їх намагу найти путь вон,“ увів директор Пути вон Павел Гріца, котрый в канадьскій Отаві перевзяв тото честне узнаня.

(TASR, Шутіова)