На северовыход Словакії бы мав прийти інвестор. В розговорі про понедількове выданя ґазеты Hospodárske noviny то повів міністер господарьства Петер Жіґа. Подля міністра є інвестор повязаный із автомобіловым промыслом і буде в Пряшівскім краю. Фірма є зо западной Европы і дістане інвестічный стімул в подобі данього стімулу і сумы в готовости. Міністер підкреслив, же покля ся поможе великому інвесторови, автоматічно выникають робочі місця, котры уж не треба дотовати, і то у субдодавателів. Міністерство має уж їднати з такыма фірмами. Іде подля нього о фірмы зо западной Европы і Азії, з автомобілового промыслу і далшых промысловых областей. Міністер фінанцій Петер Кажімір перед часом спомянув можливость приходу пятой автомобілкы, но Жіґа в понедільок не хотів повісти веце з тым, же в літі ся буде знати веце.
(Медвідь)