Російскы войска днесь по четвертій годинї рано зачали з інвазіёв на Україну. Російскый презідент Володимир Путїн в телевізнім прояві ознамив, же Росія зачінать ,,шпеціалну воєньску операцію“. Пару минут по Путїновім прояві ся зачали летецькы і ракетовы атакы на многы україньскы міста враховано Кієва, Харкова, Одесы ці Дніпра. Выбухы засягли векшынов воєньскы цїлї ці аеропорты. Презідентка СР Зузана Чапутова остро одсудила протиправну аґресію Російской федерації проти Українї. Україньскому народу, як і веджіню країны і презідентови Володимирови Зеленьскому выразила повну підпору а солідаріту.,,Надїя тых, котры сі думали, же Росія ся успокоїть з воєньсков окупаціёв частей Донецькой і Луганьской области ся указала быти ілузіёв,“ сконштатовала на соціалній сїтї Чапутова. Припомянула, же перед дакількыма годинами Російска федерація напала Україну а зачала воєньску інвазію, причім російскы озброєны силы засягли і звышок выходной Україны.

(TASR, Шутіова)