Роботы на обнові і розшыріню Матерьской школы в селі Чірч в окресі Стара Любовня поступують допереду. Староста Михал Дідік повів, же заслугов ненавратного фінанчного вкладу 320 000 евр з фондів Европской унії по докінченю ставбы докажуть зашколити уж 46 дітей, што є два разы вецей як то было дотеперь. Зреконштруовану школку, котру зачали в авґусті того року  бы хотіли дати до ужываня кінцьом того місяця. Єдным з главных причін, чом село зачало з реконштрукціов старой 40-річной будовы, была за словами старосту села недостаток капаціты школкы. Як далей староста села конкретізував, „в старім будинку была лем єдна спалня і дві містности на граня про махімалні 25 дітей. Заслугов реконштрукції вытворить ся дальша спальня, соціалне заряджіня, простор про робітників школкы і выдайня їдла. Частьов проєкту є і нове выбавліня в сумі 25 000 евр“. (Korzár, Pkf)