Місто Снина зачало з реалізаціов проєкту выбудованя ціклотрасы по берегах Цірохы і лавкы до історічного парку. Выготовителём є сполочность Swietelsky-Slovakia, котра была успішна у верейнім обстараваню. Місто о тім інформує на своїм інтернетовім сайті. Нова лавка про пішых через ріку Ціроха перепоїть улиці Строярска а Дальковска і ціклотраса по берегах Цірохы поліпшыть, подля міста, условія про пішых і циклістів. „Цілкова ціна проєкту представляє 1.495.048,21 евра, причім місто Сніна сполуфінансує осьмыма процентами, то є 119.603,86 евра. Остатню часть у вышці 1.375.444,35 евра забезпечують екстерны джерела в рамках Проґраму Словакія через Пряшівскый самосправный край,“ приближыла радніця. (TASR, Пкф)