Незіскова орґанізація Aevis подала імпулз на прокуратуру і говорить о важных похыблїнях при приправі зонації Народного парку (НП) Полонины. Орґанізація о тім інформовала пресаґентуру TASR з тым, же подля єй інформацій дошло к маніпулації з пропозиційов зонації і додатковым змінам в оцінюваню припоминок. Жадать переоцінити поступ Окресного уряду в Пряшові. Найважнішов змінов мать быти драматічне ослабіня планованой охраны Полонины, причім понад 80% НП бы по новім не мало быти достаточно хранене. Aevis говорить і о загрожіню водареньского водоєму Старина, котрый є стратеґічным джерелом питной воды про выходну Словакію. Твердить, же подля зміненой пропозиції зонації ся мать значно понижыти єй охрана. Зонація NP Poloniny є подля Aevis ключова не лем про охрану природы і Старіну, але і про будучій розвой реґіону. (TASR, Пкф)