Сила доказів ся посилнила з актуалных 100 процентів на 150, высловив ся так прокуратор Уряду шпеціалной прокуратуры Ян Шанта по выповіді свідка колышнього новинаря і ехсіскаря Петра Тотга. Обгайця Маркізы Данєл Ліпшіц твердить, же з ньой выходять інформації о дальшых карных поступках, котры до теперь небыли медіалізуваны. Обгайця обжалованого Маріяна К. Марек Пара поважує оцінюваня выповіді Тотга за предчасне. „Обявили ся такы новы факты і доказы, котры по мойому дану обжалобу іщі вецей посилнюють,“ повів Шанта на марґо того, же ся за його словами доказна сітуація против обвиненому Маріянові К. і Павлові Р. проглибила наперек тому, же ся кавза находить уж на главнім поєднаваню, то значіть на кінці досліджуваня.  (TASR, Pkf)