Штуденты ся можуть у выбраных містах по цїлїй Словакії стрїтити на вельторгох Алма Матер зо заступцями словацькых высокых школ а здобыти практічны інформації о штудію, приїмачіх конанях ці штіпендіях у вышцї 4000 евр рочнї. Вельторгы ся одбудуть у фебруару і марцу. Стачіть ся зареґістровати, вступ є безплатный. TASR о тім інформовали з одбору комунікації і маркетінґу Міністерства школства, баданя, розвитку і молодежі СР, котре вельторгы орґанізує. Вельторгы Алма Матер суть становлены головно про школярїв третїх клас середнїх школ, котры роздумують над далшым штудіём. Одбудуть ся в Михаловцях, Кошіцях, Пряшові, Попрадї, Долнїм Кубінї, Жілінї, Комарнї, Нїтрі, Баньскій Быстріцї, Братїславі, Тырнаві і Тренчінї. Про публіку будуть отворены денно од 8.30 г до 13.30 г.

(TASR, Шутіова)