Україна пожадать Споєны штаты о строгішы санкції односно Росії і о звекшіня воєньской помочі включно додавок зброї довгого досягу, покля Москва одшмарить мірны пропозіції, о котрых їднають Київ, Вашінґтон і европскы лідеры. В ночі на віторок то по розговорах в Німецькім Берліні повів україньскый презідент Володимір Зеленьскый, пише аґентура Reuters. Далше потвердив, же Україна підтримує думку переміря почас рождественного періоду, головно што до заставліня атак на енерґетічну інфраштруктуру. На рождественне переміря вызвав у понедільок російского презідента німецькый канцеларь Фрідріх Мерц. Подля джерела познакомленого із переговорами Споєны штаты мають тискати на Київ, жебы стягнув вояків із Донецькой области. Зеленьскый знова підкреслив, же Україна не признать Донбас за російску теріторію ани de iure ани de facto.

(Медвідь, TASR)