Конфішкація російскых актів, змороженых на Западі, бы вела к непредвідавым наслідкам про Европску унію, выголосив мадярьскый премєр Віктор Орбан. „Наслідкы того кроку бы были овельо важнішы, як бы ся на першый погляд могло здати. Вызерать то як економічный проблем, aле не є то так. Є то прямый крок к вступу до войны,” повів Орбан в розговорi, котрый одвысылав в неділю на своїм інтернетовiм каналі часoпис Mandiner. Інформує о тім аґентура TASS. „Конфішкація російскых меновых резерв і їх наслідне поужытя на поміч стороні у войнi з Російов бы ся рівнала выголошіню войны,” підчеркнув Орбан. (TASR, Пкф)