x

SaS i Za ľudí жадають демісію премєра

00

Партія SaS вызвала премєра Іґора Матовіча на одход з функції премєра. На понедільковій пресконференції то повів председа партії і віцепремєр Ріхард Сулік, котрый в припаді потребы зрече ся функції міністра. Сулік не вылучів одход лібералів з влады, покля Матовіч не одступить. Премєр то має вырішыти до 24-го марца. SaS надалше не хоче передчасны вольбы і на посаді председы влады бы собі знала представити Едуарда Геґера. На одход Матовіча в понедільок вызвала і партія Za ľudí. Предсидателька Вероніка Ремішова так само не вылучіла одход з влады, покля Матовіч демісію не подасть. Рух OĽaNO стоїть за своїм премєром. Рух сповнив пожадавкы на реконштрукцію влады демісійов Марека Крайчі, выголосили членове депутатьского клубу по їднаню в понедільок вечур. Демісію вчера подав міністер роботы, соціалных справ і родины Мілан Крайніяк, причім рух Sme rodina не мать жадны пожадавкы на реконштрукцію влады.

(Медвідь, TASR)