Вольбы до Народоной рады Словацькой републікы бы в марці выграла партія Hlas-SD з 24,9 процентами. Другов бы была SaS із 14,3 процентами і третім рух OĽANO із 13,1 процентами. Выходить то з баданя аґентуры АKO на взорці 1000 респондентів, котре проходило од 8-го до 12-го марца. На четвертім місці бы скінчіла партія Smer-SD із 8,7 процентами. До парламенту бы ся дістала і партія Progresívne Slovensko з 8 процентами. Рух Бориса Коллара Sme rodina бы перешов до парламенту із 5,9 процентами. Хрістіаньскы демократы з KDH бы были остатнім політічным субєктом, котрый бы перешов до парламенту, кедь в баданю здобыли 5,2 процента.

(Медвідь, TASR)