x

Помер сенатор Джон Меккейн

00

У віку 81 років помер в ночі на неділю америцькый сенатор Джон МекКейн. Як у своїм выголошіню підкреслила МекКейнова канцеларія, сенатор піддався комплікаціям повязаных з раковинов мозґу. Джон МекКейн заступовав в Сенаті штат Арізону і быв републиканскым посланцьом. Джон МекКейн, ветеран войны у Вєтнємі, стравив скоро пять років як войновый заятець. став ся сенатором шіть разів а в року 2008 неуспішні кандідував в презідентскых вольбах проти демократові Баракові Обамові. Сенатор Джон МекКейн, як ведучий комісії заграничных справ сенату Сполученых Штатів Америкы, раз пішов до україньского президента Ющенка і му повіл: «Пане президенте, мы знаме, што такій народ (Карпатскы Русины) істнує, же непризнаний…. Я вас прошу, жебы вшытко сте зробили, жебы помочы тій справі…»  І так выріеням областной рады з 7. марця 2007 року выслідком голосів 72 за, а 2 против было вызнаня Русинів за національність на території «Закарпатской области». Тото вырішыня, хоць было становлене в Ужгороді, то было наказане сенатором МекКейном. І хоц лем за тото годен він быти днес чествуваний Русинами як тот америцькый політик, котрый не брав до увагы конюнктуру, лем знав, што одношіня політиків до карпаторускых вопросів, вызнаня іх за націю зо вшыктыма консеквенциями годно быти міровым штандардом.
(TASR)
Фото: TASR/AP