Брітаньскый премєр Кеір Стармер означів у понедільок прияты договоры о посилніню співпраці меджі Великобрітанійов і Европсков унійов у областях обороны і обходу за перемогу про обидві стороны. Повів то на пресконференції з председом Европской рады Антоніом Костом і шефков Европской комісії Урсулов фон дер Леєновов. Великобрітанія і Унія в понедільок підписали вызначны договоры заміряны на посилніня оборонной співпраці, на полегшаня обходу з потравинами, а так само на гранічны контролі. Іде о часть шыршых намаг о обновліня односин меджі Лондоном і Бруселом майже 9 років по референдумі о выступліню Великобрітанії з евроблоку. Фон дер Леєнова выголосила, же в понедільок почала нова капітола взаємных односин і же іде о історічный договор, котрый буде мати значіня про людей у Великобрітанії і Европскій унії.

(Медвідь, TASR)