Новопризначеный пряшівскый ґрекокатолицькый архієпіскоп митрополіта Йона Максим, котрый в суботу 27-го януара 2024-го року буде рукоположеный в Катедралнім соборі свяотого Йоана Крестителя в Пряшові, а єдночасно інтронізованый, представив свій ерб. О ербі нового митрополіты інформовав говорця Пряшівской архієпархії Михал Павлишиновіч. Ерб одказує і на владыків монашескый жывот і є іншпірованый Мануілом Ольшавскым і  студітами. Основов ербу владыкы Йоны є щіт діленый на штири части. В першім і четвертім полю є ерб Пряшівской архієпархії, котрой став головов. В другім і третім синім полю суть його особны гералдічны сімболы. (ЛЕМ.ФМ, Пкф)