Зачінать 10-ый річник змаганя Село рока, котре выголошує Словацька аґентура жывотного оточіня вєдно з Miнiстерством жывотного оточіня СР, Сполком про обнову села і Зружіньом міст і сел Словакії. Вітязь буде репрезентовати нашу країну в змаганю о Европску ціну обновы села. Участь в змаганю може брати кажде село без штатуту міста, котре докаже презентовати прикладны актівности обновы села. Oкрем тітулу Село рока, 2-го і 3-го місця можуть быти уділены ціны подля области: Село як партнер, Село як господарь, Село як мальоване, Село як дорогоцінность, Село як солідарность, Село як гоститель, Село як загорода. Веце інформацій найдете на офіціалнім сайті Проґраму обновы села www.obnovadediny. sk. Термін на одосланя приглашок є 30-ый апріль 2019. ( А. Кузмякова, Podvihorlatské noviny)