x

Данко у Відню апеловав на реліґійный діалоґ

00

Председа Народной рады Словацькой републікы Андрей Данко на Конференції председів парламентів членьскых держав Европской унії вызвав у понедільок на реліґійный діалоґ. Своїм проявом хотів підпорити думку пошырьованя Унії напрямом на Балкан. „Цілено єм вказав по навщіві у святого Отця на то, што єм там і я видів, і то є посолство діалоґу реліґій. Найвекшов вызвов про жывот в модернім світі є діалоґ реліґій і обкресаваня гран хртістіаньства і музулманів. Але і дефінованя радікалной реліґії. В Австрії мають за собов першы крокы, коли зставили фінанцованя дакотрых мешіт,“ повів Данко. Добрым прикладом подля председы парламенту є і навщіва Папы Франціска в Абу Дабі, бо за його словами не треба ся бояти іншых реліґій ани іншых людей. Данко підкреслив, же має барз добры односины ку Сербії і приятельскы односины з Чорнов Горов і тоты дві державы бы мали быти за його думками пріорітны про вступ до Унії.

(Медвідь, TASR)