Брітаньскый суд усвідчів Словаків з обходованя з людьми і сучасного рабства. Іде о шість членів єдной родины, котры наберали людей зо Словакії на роботу до Брітанії а в містї Леедс їх примушовали робити за приближно пять лібер на день. Одсуджена родина жыла в містї Бредфорд недалеко од міста Леедс. Свої жертвы собі на Словакії выберала спомеджі бездомных, людей жыючіх в нудзовых центрах, безробітных ці алкоголиків. Жертвы робили на ставбах, респ. на реноваціях домів. Словацька родина подля здобытых інформацій контролёвала їх банковы конта а поберала за них тоже соціалны давкы. У звязї з припадом брітаньскый суд одсудив тоже двох маїтелїв фундошів, на котрых жертвы ренововали домы.
(TASR, Цітрякова)