x

Мадярьского конзула в Берегові выголосила Україна за нежелану особу

00

Україньске міністерство загранічных дїл у четверь інформовало, же мадярьскый конзул з міста Берегово в Закарпатьскій области быв выголошеный за нежелану особу. У выголошіню україньского резорту діпломації ся дале пише, же мадярьскому вельвысланцёви на Українї была доручена нота з інформаціёв, же мадярьскый конзул в Берегові мусить протягом найблизшых 72 годин одыйти з теріторії Україны. Прічінов того ся став відеозапис награный на мадярьскім конзулатї в Берегові, котрый захоплює, як конзул містным жытелям мадярьской народности славностно одовздає мадярьскы паспорты.
(TASR, Цітрякова)