О убийстві словацького інвестіґатівного новинаря Яна Куцяка і справах повязаных з тым припадом детайлно інформовали світовы медії, котры цітовали выголошіня словацькых політіків односно того чіну, як і выголошіня шефредактора проталу Aktuality.sk, про котрый Куцяк робив. З одкликаньом ся на слова поліцайного презідента Тібора Ґашпара тот припад вже прямо давають до повязаня із Куцяковов новинарьсков роботов. Майже тристо чеськых новинарів уж выразило свою участь родині і приятелям забитого новинаря і його приятелькы Мартіны Кушніровой. Убийство означіли за атаку на свободу слова. Ку припаду выразив ся і Союз німецькых новинарів. Тот жадать выконати порядне розсліджіня, котре пояснить цілый припад. Подля слов председы союзу Франка Убералла убийство вказує на то, як важным є хоронити европскых новинарів при їх роботы, і тым в конечнім дослідку і свободу пресы.
(Медвідь, TASR)